អាជ្ញាធរខេត្តក្រចេះ ចុះអន្តរាគមន៍បូមទឹកជួយសង្គ្រោះស្រូវប្រាំងជាង៦០០ហិកតា នៅឃុំជ្រោយបន្ទាយ

ក្រចេះ÷ អាជ្ញាធរខេត្តក្រចេះ និងមន្ត្រីជំនាញនៃមន្ទីរធនធានទឹកនិងមន្ទីរកសិកម្មរុក្ខាប្រមាញ់ខេត្ត បាននឹងកំពុង ជួយអន្តរាគមន៍បូមទឹកជួយសង្គ្រោះស្រូវប្រាំងប្រមាណជា ៤២០ហិកតា របស់ប្រជាពលរដ្ឋ នៅក្នុងផូមិកែង ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ បន្ទាប់ពីតំបន់នោះប្រឈម និងការខ្វះខាតទឹកសម្រាប់ធ្វើស្រែប្រាំង។

តាមការបញ្ជាក់ពីលោក ប៉ិច ងន់ស្រុឺ មេឃុំជ្រោយបន្ទាយ បានឲ្យដឹងនៅរសៀល ថ្ងៃទី៣១ ខែកមរា ឆ្នាំ២០២៤ នេះថា នៅក្នុងឃុំជ្រោយបន្ទាយ មានប្រព័ន្ធធារាសាស្រ្ត បឹងខ្នាយរមាស ដែលជាអាងស្តុកទឹកមួយ ប៉ុន្ដែប្រព័ន្ធធារាសាស្ត្រនេះ នៅមានទឹកតិចតួច រីងស្ងួត មិនអាចបង្ហូរចូលតាមប្រព័ន្ធ ប្រឡាយមេ និងកូនប្រឡាយ ចូលស្រែបានឡើយ។ 

លោកមេឃុំជ្រោយបន្ទាយ បានបន្តថា ស្រូវប្រាំងរបស់ប្រជាពលរដ្ឋ សរុបប្រមាណចំនួន ៦២០ហិកតា ក្នុងនោះមានចំនួន ៤២០ហិកតា កំពុងប្រឈមនឹងការ ខ្វះខាតទឹកប្រើប្រាស់ ក្នុងការបូបដាក់ស្រែ។ 

(សំឡេងសម្ភាសន៍ផ្ទាល់ ១.៣៧វិនាទី)...

តាមការបញ្ជាក់ពីលោកមេឃុំ បានបញ្ជាក់ថា ការបូមទឹកជួយសង្គ្រោះស្រូវរដូវប្រាំង របស់កសិករ មន្ទីរធនធានទឹកខេត្ត បានដាក់ម៉ាស៊ីនបូមទឹកកម្លាំង៦៥សេះ ឧបត្តម្ភប្រេងចំនួន ៣០០លីត្រ មន្ទីរកសិកម្មខេត្តចំនួន ២១០លីត្រ ដោយគ្រោងប្រើរយៈពេល១០ថ្ងៃ ដោយចំណាំយប្រេងប្រមាណជាង ២,៤០០លីត្រ ដូច្នេះនៅខ្វះប្រេងប្រមាណជាង ១,៨៩០លីត្រ។

កសិករនៅឃុំជ្រោយបន្ទាយ បានសម្ដែងកាអរគុណដល់អាជ្ញាធរខេត្តក្រចេះ មន្ទីរពាក់ព័ន្ធ ក៏ដូចជាអាជ្ញាធរមូលដ្ឋាន ដែលបានជួយអន្តរាគមន៍បូមទឹកជួយសង្គ្រោះ ស្រូវប្រាំងរបស់ពួកគាត់បានទាន់ពេលវេលា ប៉ុន្តែទោះយ៉ាងនេះក្តី តម្រូវការប្រើប្រាស់ទឹក នៅពុំទាន់គ្រប់គ្រាន់ ដោយសារផ្ទៃដីត្រូវការទឹកស្រោចស្រពមានចំនួនជាង ៤០០ហិកតា។

លោក ហេង រតន៍ម៉ូនីដា ប្រធានមន្ទីរធនធានទឹក និងឧតុនិយមខេត្តក្រចេះ បានឲ្យដឹងនៅរសៀលថ្ងៃទី៣១ ខែកមរា ឆ្នាំ២០២៤ នេះថា បច្ចុប្បន្ន ក្រុមការងារមន្ត្រីជំនាញ កំពុងជួយអន្តរាគមន៍នៅឃុំជ្រោយបន្ទាយ ស្រុកព្រែកប្រសព្វ ដោយលើផ្ទៃដីជាង ៤០០ហិកតា រហូតមកដល់ពេលនេះសម្រេចបានជាង ១០%ហើយ។ លោកបន្តថា អាងទឹកបឹងខ្នាយរមាសនេះ គឺអាចផ្គត់ផ្គង់ស្រូវប្រាំងរបស់ពួកគាត់បានគ្រប់គ្រាន់ត្រឹមផ្ទៃដី ៤២០ហិកតា ប៉ុន្តែកុំឲ្យពួកគាត់ធ្វើម្តងទៀត។ ម្យ៉ាងវិញទៀត មន្ទីរក៏បានណែនាំដល់សហគម ក៏ដូចជាកសិករប្រើប្រាស់ទឹក នៅឆ្នាំ២០២៤នេះ ដោយប្រទេសកម្ពុជាទទួលរងអាកាសធាតុក្ដៅ ហើយមានការខ្វះខាតទឹក សូមកុំឲ្យកសិករធ្វើស្រែលើកទី២៕ រាយការណ៍ដោយលោក ម៉ែន បូរិទ្ធ

វគ្គបណ្ដុះបណ្ដាលស្ដីពីគោលការណ៍ បែបបទ និងនីតិវិធីនៃការអនុវត្តមុខងារអប់រំ យុវជន និងកីឡា ដល់ថ្នាក់ដឹកនាំ និងមន្រ្តីជំនាញចំនួន៤ខេត្ត.!

 

ក្រចេះ÷ នាព្រឹកថ្ងៃពុធ ១៤កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៤ ខែមករា ឆ្នាំ២០២៤ ឯកឧត្តម ហង់ ចាន់ឌី អភិបាលរងខេត្ត តំណាងឯកឧត្តម វ៉ា ថន អភិបាលខេត្ត អញ្ជើញចូលរួមក្នុងពិធីបើកវគ្គបណ្ដុះបណ្ដាល ស្ដីពីគោលការណ៍ បែបបទ និងនីតិវិធីនៃការអនុវត្តមុខងារអប់រំ យុវជន និងកីឡា ដល់ថ្នាក់ដឹកនាំ និងមន្រ្តីជំនាញនៃរដ្ឋបាលក្រុង ស្រុក ខណ្ឌ ក្រោមអធិបតីភាព ឯកឧត្តម សេរី ជំនះ រដ្ឋលេខាធិការ តំណាង ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ដោយមានការចូលរួមមកពីថ្នាក់ដឹកនាំ និងមន្ត្រីពាក់ព័ន្ធខេត្តចំនួន៤ មានខេត្តក្រចេះ ស្ទឹងត្រែង រតនគិរី និងខេត្តមណ្ឌលគិរី ប្រមាណជាង ១៥០នាក់ មានរយៈពេល៣ថ្ងៃ នៅសាលមហោស្រពខេត្តក្រចេះ ។

ក្នុងនោះ ឯកឧត្តម ហង់ ចាន់ឌី អភិបាលរងខេត្តក្រចេះ មានប្រសាសន៍ថា៖ សម្រាប់ខេត្តក្រចេះ គ្រូបង្រៀនបានផ្ទេរសរុបចំនួន១.៩៧៣នាក់ ស្រី ១.២៥២នាក់ រដ្ឋបាលក្រុង ស្រុកទាំង៧ក្នុងខេត្ត បានចេញដីកាទទួលបុគ្គលិកអប់រំដែលត្រូវផ្ទេរទៅឱ្យរដ្ឋបាលក្រុង ស្រុកបានរួចរាល់ជាស្ថាពរ និងទាន់ពេលវេលា ស្របតាមប្រកាសលេខ១០៦៥ អយក.ប្រក ស្ដីពីការផ្ទេរបុគ្គលិកអប់រំដែលបម្រើការងារនៅគ្រឹះស្ថានមត្តេយ្យសិក្សាសាធារណៈ គ្រឹះស្ថានបឋមសិក្សាសាធារណៈ និងមជ្ឈមណ្ឌលសិក្សាសហគមន៍ទៅឱ្យរដ្ឋបាលក្រុង ស្រុក ខណ្ឌ ហើយបានធ្វើពិធីប្រកាសរួចរាល់នៅតាមបណ្ដាក្រុង ស្រុក។ 

ឯកឧត្តម សេរី ជំនះ រដ្ឋលេខាធិការ បានមានប្រសាសន៍បញ្ជាក់ថា៖ វគ្គបណ្ដុះបណ្ដាលនេះមានគោលបំណងផ្ដល់ការណែនាំ តម្រង់ទិសដល់ថ្នាក់ដឹកនាំ និងមន្ត្រីជំនាញនៃរដ្ឋបាល ក្រុង ស្រុក ខណ្ឌ និងអ្នកពាក់ព័ន្ធក្នុងការអនុវត្តមុខងារអប់រំ យុវជន និងកីឡា ដែលបានផ្ទេរទៅឱ្យរដ្ឋបាលក្រុង ស្រុក ខណ្ឌ តាមរយៈអនុក្រឹត្យលេខ១៨២ លេខ១៨៣ និង១៨៤ ស្ដីពីមុខងារ និងរចនាសម្ព័ន្ធរដ្ឋបាលក្រុង ស្រុក ខណ្ឌ និងអនុក្រឹត្យ លេខ២១៣ អនក្រ.បក ស្ដីពីការផ្ទេរមុខងារក្នុងវិស័យអប់រំ យុវជន និងកីឡាទៅឱ្យរដ្ឋបាលក្រុង ស្រុក ខណ្ឌ ដើម្បីលើកកម្ពស់ប្រសិទ្ធភាពនៃការគ្រប់គ្រង និងបង្កើនគុណភាពនៃសេវាអប់រំជូនដល់ប្រជាជនគ្រប់រូប។

ឯកឧត្តម បន្តថា ការធ្វើវិមជ្ឈការមុខងារអប់រំ យុវជន និងកីឡា ទៅឱ្យរដ្ឋបាលក្រុង ស្រុក ខណ្ឌ ទូទាំងប្រទេសនេះ ផ្តោតលើ "ការប្រគល់មុខងារគ្រប់គ្រង" ចំនួន៣ រួមមាន ៖ ការអប់រំកុមារតូច ការអប់រំបឋមសិក្សា និងការអប់រំក្រៅប្រព័ន្ធ និង "ការធ្វើប្រតិភូកម្មមុខងារគាំទ្រផ្នែករដ្ឋបាល” ចំនួន៣ ដល់គ្រឹះស្ថានមធ្យមសិក្សាចំណេះទូទៅ ការងារអភិវឌ្ឍយុវជន និងការងារអប់រំកាយ និងកីឡា ទៅឱ្យរដ្ឋបាលក្រុង ស្រុក ខណ្ឌ ទូទាំងប្រទេស ទោះបីជាការធ្វើវិមជ្ឈការមុខងារអប់រំ យុវជន និងកីឡាទៅឱ្យរដ្ឋបាលក្រុង ស្រុក ខណ្ឌ ក្រសួងអប់រំ យុវជន និងកីឡានៅតែជាស្ថាប័នដែលត្រូវមានគណនេយ្យភាពចំពោះរាជរដ្ឋាភិបាល និងរដ្ឋសភាលើវិស័យអប់រំ យុវជន និងកីឡា ៕ រាយការណ៍ដោយលោក ម៉ែន បូរិទ្ធ អ្នកយកព័ត៌មាន RDN MEDIA NEWS ទំនាក់ទំនងការផ្សាយ Telegram.WhatsApp.011 83 47 47.097 444 88 97

មាន់ជល់តាមប្រព័ន្ធអនឡាញពីរទីតាំងកំពុងតែដំណើរការយ៉ាងត្រជាក់ចិត្តក្នុងស្រុកល្វាឯម........

 

ខេត្តកណ្តាល : ទីតាំងបនល្បែងស៊ីសងមាន់ជល់តាមអនឡាញមួយកន្លែង កំពុងបើកលេងយ៉ាងរលូនស្ថិតក្នុងភូមិបឹងគ្រំ ឃុំបឹងគ្រំ ស្រុកល្វាឯម  ខេត្តកណ្តាល ប៉ុន្តែអាជ្ញាធរនិងសមត្ថកិច្ចក្នុងស្រុកល្វាឯមហាក់សំងំស្ងៀមមិនបង្ក្រាប។

ពលរដ្ឋលើកឡើងថា:សង្ស័យអាជ្ញាធរនិងសមត្ថកិច្ចមូលដ្ឋានភ្លេចបទបញ្ជារបស់សម្ដេចអតីតនាយករដ្ឋមន្ត្រី ហើយមើលទៅទើបបានជាមិនចុះបង្ក្រាបឬ មួយត្រូវថ្នាំសណ្ដំមេបនល្បែងបានជាសំងំស្ងៀមធ្វើមិនដឹង? 

សូមរំលឹកថា កាលថ្ងៃទី ១៧ ខែកញ្ញា ឆ្នាំ ២០២២កន្លងទៅនេះសម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជាបានចេញបទបញ្ជាដាច់ណាត់មួយឲ្យអភិបាលរាជធានីខេត្តទាំង ២៥ ខេត្តក្រុងត្រូវបិទទីតាំងបនល្បែងស៊ីសងគ្រប់ប្រភេទទាំងអស់ឧ្យខានតែបានសម្តេចតេជោ ហ៊ុន សែន បានបញ្ជាក់យ៉ាងច្បាស់ថាអាជ្ញាធរស្រុកក្រុងខេត្តណាដែលមិនទប់ស្កាត់និងមិនបង្ក្រាប បទល្មើសល្បែងស៊ីសងនៅក្នុងមូលដ្ឋានរបស់ខ្លួនទេ ! អាជ្ញាធរនិងសមត្ថកិច្ចទាំងនោះនិងត្រូវប្រឈមបាត់បង់តំណែងទៀតផង ។ 

ប៉ុន្តែអាជ្ញាធរនិងសមត្ថកិច្ច នៅស្រុកល្វាឯមហាក់សំងំស្ងៀមមិនបង្ក្រាបទីតាំងបនល្បែងស៊ីសងប្រភេទមាន់ជល់តាមអនឡាញដែលបើកលេងនៅមូលដ្ឋានរបស់ខ្លួនផ្គើនទៅនិងបទបញ្ជារបស់សម្ដេចអតីតនាយករដ្ឋមន្ត្រី ។

មហានជនក្នុងស្រុកល្វាឯម  បានលើកឡើងថាមូលហេតុដែលអស់លោកអាជ្ញាធរនិងសមត្ថកិច្ចស្រុកល្វា ឯម រក្សាភាពស្ងៀមស្ងាត់ចំពោះទីតាំងមាន់ជល់តាមអនឡាញខាងលើនេះហើយថែមទាំងផ្គើននិងបទបញ្ជា របស់សម្តេច តេជោហ៊ុនសែនទៀតសោធន៌នោះ? សង្ស័យតែទីតាំងមាន់ ជល់តាមអនឡាញខាង លើនេះ អាជ្ញាធរនិងសមត្ថកិច្វស្រុកល្វាឯមមានការត្រូវរូវគ្នាទេដឹង? ទើបបានជាអស់លោករក្សាភាពស្ងៀម ស្ងាត់ ផ្គើននិងបទបញ្ជារបស់សម្តេចតេជោហ៊ុនសែនបែបនេះ។

ពលរដ្ឋក្នុងស្រុកល្វាឯមបានសំណូមពរ  លោកឧត្តមសេនីយ៍ទោ  ឈឿន សុចិត្ត  ស្នងការនគរបាលខេត្តកណ្តាល សូមជួយចាត់វិធានការ ទៅលើល្បែងស៊ីសងមាន់ជល់តាមអនឡាញ ខាងលើ នេះផងដើម្បីស្របតាមគោលការណ៍ ភូមិ ឃុំ មានសុវត្តិភាព  ៕

 

 

 

សម្តេច ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិន ធ្វើទស្សនកិច្ចនៅស្ថានីយវារីអគ្គិសនី សេសានក្រោម២

ស្ទឹងត្រែង៖ សម្តេចអគ្គមហាពញាចក្រី ហេង សំរិន ប្រធានកិត្តិយសក្រុមឧត្តមទីប្រឹក្សាផ្ទាល់ព្រះមហាក្សត្រ និងសម្តេចធម្មវិសុទ្ធវង្សា សៅ ទី ហេងសំរិន ប្រធានកិត្តិយសឧត្ដមប្រឹក្សាព្រះមហាក្សត្រ បានអញ្ជើញដឹកនាំគណៈ ប្រតិភូ ធ្វើទស្សនកិច្ចទៅកាន់ស្ថានីយវារីអគ្គិសនី សេសានក្រោម២ ស្ថិតនៅស្រុកសេសាន ខេត្តស្ទឹងត្រែង នៅថ្ងៃទី១២ ខែមករា ឆ្នាំ២០២៤។

នៅក្នុងដំណើរទស្សនកិច្ចនេះ មានការចូលរួមពី លោកឡូយ សុផាត ប្រធានគណ:កម្មការទី៣ នៃរដ្ឋសភា និងជាអ្នកតំណាងរាស្ត្រមណ្ឌលស្ទឹងត្រែង លោក ឈាង ឡាក់ ប្រធានក្រុមប្រឹក្សាខេត្ត លោក ស្វាយ សំអ៊ាង អភិ បាលខេត្តស្ទឹងត្រែង ព្រមទាំងមន្ត្រីរាជការជាច្រើននាក់ទៀត។

សូមបញ្ជាក់ថា ចាប់តាំងពីការដាក់ឲ្យដំណើរការគម្រោងស្ថានីយវារីអគ្គិសនីសេសានក្រោម២មក វារីអគ្គិសនីសេសានក្រោ២ បានបន្តចែកចាយអគ្គិសនីសម្រាប់រាជធានីភ្នំពេញ និងទីក្រុងដទៃទៀត ដែលជួយធ្វើឱ្យការផ្គត់ផ្គង់ថាមពលអគ្គិសនីរបស់កម្ពុជាមានភាពល្អប្រសើរឡើង ក៏ដូចកាត់បន្ថយការពឹងផ្អែកទៅលើការនាំចូល ហើយព្រមទាំងកាត់បន្ថយថ្លៃអគ្គិសនីនៅកម្ពុជាបានយ៉ាងច្រើន និងនាំមកនូវថាមពលស្អាតដល់ការអភិវឌ្ឍសេដ្ឋកិច្ចរបស់កម្ពុជាថែមទៀត៕

ល្បែងបញ្ជាល់មាន់តាមប្រពន្ធ័អនឡាញ ក្រុមអ្នកញៀនល្បែងលេងយ៉ាងអនាធិបតេយ្យ គ្មានអាជ្ញាធរមានសមត្ថកិច្ចពាក់ព័ន្ធចាត់វិធានការបង្រ្កាបឡើយ!

 

កណ្តាល ÷  ប្រភពពីប្រជាពលរដ្ឋ ក្នុងភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល បានឲ្យដឹងថាមា នទីតាំងបនល្បែងបញ្ជល់មាន់តាមប្រព័ន្ធអនឡាញ មួយកន្លែងកំពុងតែដំណើរការ បើកលេងយ៉ាងរលូ ន ខណៈអាជ្ញាធរនិងសមត្ថកិច្ចមូលដ្ឋានមិនទប់ស្កាត់ និងបង្រ្កាបឡើយ។

យោងតាមប្រភពព័ត៌មានច្បាស់ការបានបញ្ជាក់ឲ្យដឹងថាល្បែងស៊ីសងជល់មាន់ខុសច្បាប់តាមប្រពន្ធ័ អនឡាញ មួយកន្លែងនេះបើកលេងជារៀងរាល់ថ្ងៃ ប៉ុន្តែអាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋាន ហាក់រក្សាភាពស្ងៀមស្ងាត់។

មជ្ឈដ្ឋានខាងក្រៅ! និងពលរដ្ឋក្នុងមូលដ្ឋាន រិះគន់ចំៗ ទៅលើអាជ្ញាធរនិងសមត្ថកិច្ចក្រុងតាខ្មៅ ហាក់បណ្ដែតបណ្ដោយនិងព្រងើយកន្តើយមិនបង្ក្រាបចំពោះទីតាំងបនល្បែងខាងលើ បណ្តោយឲ្យបើកដំណើរការបានយ៉ាងរលូន ថែមទាំងមិនអនុវត្ត គោលនយោបាយភូមិ/ឃុំ មានសុវត្ថិភាព ដែលដាក់ចេញដោយក្រសួងមហាផ្ឋៃ ។

មាន់ជល់តាមអនឡាញខាងលើ ប្រជាពលរដ្ឋរស់នៅក្នុងមូលដ្ឋានមានការព្រួយបារម្ភជាខ្លាំង អំពីបញ្ហាសុវត្ថិភាពគ្រួសារខ្លាចប្តីនិងកូនពួកគាត់មានការផុងខ្លួនជាមួយល្បែងនេះ ហើយល្បែងខុសច្បាប់ទាំងនេះ ជាដើមចម នៃអំពើហិង្សា ម្យ៉ាងទៀតខ្លាចកើតនូវ អំពើចោរកម្ម និងបទល្មើស ផ្សេងៗ ដូចជា លួច ឆក់ ប្លន់ ជាដើម។

ប្រជាពលរដ្ឋអំពាវនាវដល់លោក គង់ សោភណ្ឌ័ អភិបាលខេត្តកណ្តាល ជាពិសេស ឧត្តមសេនីយ៍ទោ ឈឿន សុចិត្ត ស្នងការដ្ឋាននគរបាលខេត្តកណ្តាល មេត្តាចាត់មន្រ្តីក្រោមឱវាទជួយត្រួតពិនិត្យផងទាន ដេីម្បីរក្សាសន្តិសុខសង្គមជូនពលរដ្ឋក្នុងមូលដ្ឋាន៕

បុស្បុកតម្កល់រូបសំណាកព្រះគ្រូធម្មាចារ្យ គឹម ច្រែង និងសម្ដេចអគ្គមហាសេនាបតីតេជោ ហ៊ុន សែន កាលនៅពីកុមារ ត្រូវបានសម្ពោធដាក់ឱ្យប្រើប្រាស់ជាផ្លូវការក្រោមអធិបតីភាព ឯកឧត្តម ហ៊ុន ម៉ានី តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា .................

ក្រចេះ÷ នាព្រឹកថ្ងៃទី០៨ ខែមករា ឆ្នាំ២០២៤ នៅស្ពានពាមទេរ ឋិតភូមិតាលុស ឃុំបុសលាវ ស្រុកចិត្របុរី ខេត្តក្រចេះ ដែលមានព្រុំប្រទល់ជាប់

និងសង្គាត់រកាកណ្តាល ក្រុងក្រចេះ ដោយមានការនិមន្តចូលរួមពីព្រះមេគណខេត្តក្រចេះទាំងពីរគណៈ ព្រមទាំងមានការអញ្ជើញចូលរួមពីឯកឧត្តម សមាជិក ព្រឹទ្ធសភា រដ្ឋសភា ឯកឧត្តម លោកជំទាវ លោក លោកស្រី ក្រុមការងាររាជរដ្ឋាភិបាលចុះជួយមូលដ្ឋានខេត្ត ក្រុង ស្រុក ថ្នាក់ដឹកនាំ និងមន្រ្តីរាជការចំណុះរដ្ឋបាលខេត្ត លោកតា លោកយាយ អ៊ំ ពូ មីង លោកគ្រូ អ្នកគ្រូ ប្អូនៗយុវជន និងបងប្អូនប្រជាពលរដ្ឋ សរុបចំនួន ២,១៤០ អង្គ/នាក់។

ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ មានប្រសាសន៍បញ្ជាក់ការសាងសង់បុស្បុកតម្កល់រូបសំណាក ព្រះគ្រូធម្មាចារ្យ គឹម ច្រែង និងសម្តេចតេជោ កាលពីកុមារភាព បុស្បុករូបសំណាកនេះ គឺជាបង្ហាញការនឹករលឹក បដិបត្តិ និងចងចាំអំពីប្រវត្តិតស៊ូរបស់ សម្ដេចតេជោ ជាកូនកសិករម្នាក់នៅឃុំពាមកោះស្នា ស្រុកស្ទឹងត្រង់ ខេត្តកំពង់ចាមបានពុះពារខិតខំប្រឹងប្រែងរៀនសូត្រ និងបន្តការសិក្សានៅវត្តនាគវ័ន្តរាជធានីភ្នំពេញ ដោយស្នាក់អាស្រ័យ និងទទួលការមើលថែផ្គត់ផ្គង់ពីព្រះគ្រូធម្មាចារ្យ គឹម ច្រែង។ រូបសំណាក ព្រះគ្រូធម្មាចារ្យ និងសម្ដេចតេជោកាលនៅពីកុមារ ត្រូវបានសាងសង់ឡើងដើម្បីទុកជាការរម្លឹក និងចងចាំអំពីប្រវត្តិរបស់សម្ដេចតេជោ កាលនៅពីកុមារ ដែលធ្លាប់រស់នៅជាមួយ ព្រះគ្រូធម្មាចារ្យ។ ដោយបុស្សុកពីមុនមានសភាពតូចនិងចាស់ទ្រុឌទ្រោមផងដែរនោះ ទើបសម្ដេចតេជោ បានណែនាំឱ្យរដ្ឋបាលខេត្តក្រចេះសាងសង់ឡើងជាថ្មីទៅតាមបែបបទរចនាខ្មែរយ៉ាងប្រណិត ដែលធ្វើឡើងពីបេតុងមានកម្ពស់២៤,៣ម៉ែត្រ ចំណែកឯរូបព្រះគ្រូធម្មាចារ្យ គឹម ច្រែង មានកម្ពស់២,៧ម៉ែត្រ និងសម្តេចតេជោ កាលពីកុមារមានកម្ពស់១,៦៨ម៉ែត្រ សាងសង់ពីស្ពាន់សុទ្ធ។

ក្នុងភាពជាតំណាងដ៏ខ្ពង់ខ្ពស់របស់សម្តេចធិបតី នាយករដ្ឋមន្ត្រី ឯកឧត្តម ហ៊ុន ម៉ានី បាននាំប្រសាសន៍ ផ្តាំផ្ញើការសួរសុខទុក្ខ ដល់លោកតា លោកយាយ អ៊ំ ពូ មីង ប្អូនៗយុវជន ពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ក៏ដូចជាសម្តេចធិបតីនាយករដ្ឋមន្ត្រី ផងដែរ។ ឯកឧត្តម ហ៊ុន ម៉ានី បានបញ្ជាក់ថា៖ សមិទ្ធផលដែលយើងកំពុងសម្ពោធនាពេលនេះ និងសមិទ្ធផលដទៃទៀត មិនអាចកើតឡើងបានឡើយ ប្រសិនបើគ្មានសន្តិភាព និងស្ថិរភាពនយោបាយ ដែលកម្ពុជាសម្រេចបានដោយលំបាក ក្រោមការថ្នាក់ដឹកនាំរបស់សម្តេចតេជោ ហ៊ុន សែន និងថ្នាក់ដឹកនាំដទៃទៀត។ លើមូលដ្ឋានគ្រឹះនៃសន្តិភាពនេះ និងក្រោមការដឹកនាំប្រកបដោយ គតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងបន្តរីកចម្រើន ដើម្បីប្រជាពលរដ្ឋគ្រប់រូបគ្រប់ជំនាន់ នឹងអាចបន្តទទួលបានប្រយោជន៍ពីសុខសន្តិភាព និងសមិទ្ធផលនៃការអភិវឌ្ឍថ្មីៗជាបន្តបន្ទាប់ទៀត។

ឯកឧត្តមរដ្ឋមន្ត្រី ក៏បានបន្ថែមថា៖ រាជរដ្ឋាភិបាលកម្ពុជាបច្ចុប្បន្ន ក្រោមការដឹកនាំដ៏ខ្ពង់ខ្ពស់ របស់សម្តេចធិបតី បានប្តេជ្ញាបង្កើនសមិទ្ធផលនានាបន្ថែមទៀត ជូនសង្គមជាតិ និងប្រជាពលរដ្ឋនៅតាមបណ្តាមូលដ្ឋាន ដែលសមិទ្ធផលទាំងនោះនឹងចូលរួមលើកស្ទួយជីវភាពរបស់ប្រជាពលរដ្ឋគ្រប់ៗរូប មិនថាជាមន្រ្តីរាជការ ឬជាប្រជាកសិករនោះទេ។ ប្តេជ្ញាចិត្តជំរុញ ជាអាទិភាពនូវគោលនយោបាយជាច្រើន ដែលនឹងសម្រេចជាប្រយោជន៍ រួមមាន៖ 

១.ការពង្រីក និងពង្រឹងគុណភាពសេវាថែទាំសុខភាព ជូន ដល់បងប្អូនប្រជាពលរដ្ឋនៅតាមបណ្តាមូលដ្ឋាន 

២.ការបណ្តុះបណ្តាលជំនាញវិជ្ជាជីវៈ និងបច្ចេកទេសជូនដល់យុវជន មកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេស 

៣.ការពង្រឹងគុណភាព សាលារដ្ឋ ពីមតេ្តយ្យសិក្សារហូតដល់វិទ្យាល័យ 

៤.ការផ្តល់ឱកាសដោយស្មើភាព ដល់យុវជនមានសមត្ថភាពឱ្យក្លាយជាមន្រ្តីរាជការ តាមរយៈការប្រឡងដោយត្រឹមត្រូវ និងយុត្តិធម៌ និងទី៥.គោលនយោបាយ និងសកម្មភាពជាច្រើនទៀត ដែលផ្តល់ប្រយោជន៍ដោយផ្ទាល់ ទៅប្រជាពលរដ្ឋ នៅតាមបណ្តាមូលដ្ឋាន៕ រាយការណ៍ដោយលោក ម៉ែន បូរិទ្ធ អ្នកយកព័ត៌មាន RDN ASIA